Podemos!!!
La Voz de Galicia: Porto do Son e Nebra xogarán a final de copa O Porto do Son e o Nebra disputarán a final da copa da localidade, cuarta edición do Memorial Emilio García, tras eliminar en semifinais ao Portosín e ao Baroña, respectivamente. O encontro terá lugar o domingo no campo municipal, a partir das 19.00 horas. As semifinais disputáronse o pasado fin de semana no campo Emilio García a partido único. A primeira eliminatoria xogárona o Nebra e o Portosín e acabou con vantaxe dos primeiros por 3-1. Os vencedores foron superiores aos seus rivais. Os goles foron materializados por Careixo, en dúas ocasións, e Xusto. O tanto do conxunto de Portosín foi obra de Volchán. A continuación saltaron ao terreo de xogo os deportistas do Porto do Son e do Baroña coa intención de coñecer o outro finalista. Os sonenses foron moi superiores aos seus veciños nun encontro que apenas tivo historia. O primeiro tanto chegou aos 20 minutos. O seu autor foi Careixo. O segundo marcouno Is...