Nebra C.F.

Campo Emilio García La Voz de Galicia: Porto do Son, Baroña, Portosín e Nebra xogarán as semifinais O domingo «día 9» arrincou a copa Concello de Porto do Son, Memorial Emilio García, na que participan todos os equipos do termo municipal. A fase previa, a un só partido, enfrontou ao Caamaño e ao Nebra. O triunfo foi para os segundos, que venceron por 2-3. Pola súa banda, o Porto do Son estará na próxima eliminatoria tras superar ao Queiruga por 1-0. As semifinais disputaranse o domingo «día 23» no campo Emilio García. Nebra-Portosín xogarán a partir das cinco e ás sete será o Porto do Son-Baroña. Copa Porto do Son.

De pe, de esquerda a dereita: Moncho de Ouviña, Pepe da Ponte, Antonio de Tores, Luís de Ouviña, Moncho do Cabo, José do Patrón, José Manuel da Roxa e José Antonio do Ruso. Agochados: Ventura de Mariño, Javier de Simón, José Manuel do Vello, Parada, Carlos da Garela, Luís de Simón e Delmiro de Fontán (presidente).

Crease esta Bitácora e páxina en Youtube adicadas ao Nebra Club de Fútbol, agardando que se sumen a este proxecto tódol@s que así o desexen Inaugurase como non podía ser menos, co encontro amistoso xogado o domingo 22, día de Santa Rita, entre o Nebra-Vidalux de Veteranos e o Nebra de Afeccionados, ou o que é o mesmo, os veteranos dos veteranos.